قال متحدث رسمي سعودي الثلاثاء ان شخصا يُشتبه بأنه من المتشددين المطلوبين لدى السلطات السعودية اتصل بسفارة السعودية في اليمن وأعلن المسؤولية عن خطف دبلوماسي سعودي الشهر الماضي وطالب بالافراج عن سجناء مُحتجزين بالمملكة.
وقال المتحدث الامني باسم وزارة الداخلية في بيان نشرته وكالة الانباء السعودية ان مشعل محمد رشيد الشدوخي المدرج على قائمة وضعتها السعودية عام 2009 بأسماء متشددي القاعدة المطلوب القبض عليهم طالب السلطات بارسال متشددين مدانين محتجزين بالمملكة الى اليمن.
وكان عبد الله الخالدي نائب قنصل السعودية باليمن قد اختطف في 28 مارس اذار من أمام مقر اقامته في مدينة عدن.
نص المكالمة الهاتفية بين احد عناصر القاعدة والسفير السعودي
الشدوخي / أنت قبل شوي اتصلت على جوال بخصوص عبدالله الخالدي صح.
السفير / أي نعم.
الشدوخي/ كيف حالك طيب.
السفير / الحمد لله كيف ولدنا عندكم.
الشدوخي/ والله الرجال طيب ما به خلاف الحمد لله صحته طيبة أموره طيبة وإن شاء الله الأمور طيبة والجماعة عندهم بعض الكلام ودهم يوصلونه لكم.
السفير/ وش هو الكلام.
الشدوخي/ يعني الكلام من التليفون ما يصلح لكن نشوف الطريقة المناسبة لكم شوفوا اللي تشوفون مناسب أرسل لنا واحد من عندكم سواء سعودي أو يمني أي شيء تشوفه مناسب لك يابو فارس.
السفير / وين أرسله لك فيه.
الشدوخي / أرسله عندنا إلى أبين إلى جعار أول ما يوصل يتصل على هذا الرقم أو قبل ما يتحرك يتصل ويعطينا موعد أكيد أنه بيوصل إن شاء الله نعطيه الكلام.
السفير/ أنا ما أقدر أنت لا تعرفني وأنا لا أعرفك يعني لازم.
الشدوخي/ خلاص ما فيه مشكلة طبعا الآن جيتك في الكلام أنا عندي بعض الأسئلة لكم لأنه طبعا هو قال لي كلم الأخ علي الحمدان صح.
السفير/ أي نعم معك.
الشدوخي/ وقال كلم أبو فارس وأنا عندي بعض الأسئلة أريد أسألك عليها لأنه احنا ما نريد أي طرف ثاني يدخل في الموضوع ما نريد إلا الحكومة السعودية بس.
السفير / طيب قول لي ماتقدر توضح لي ذلحين.
الشدوخي/ المطالب ما تصلح تعرف البلاد مخبوصة والكل يعني والشباب هنا جربوا بعض القضايا زي كذا والكلام بالتلفون ما يصلح كأنك تبغى تأكد منه يعني بخير وأنه موجود عندنا ممكن أنا بأحاول أخليك.
السفير/ لا لازم أطمن عليه إحنا قلقين عليه مرة.
الشدوخي/ والله أنه طيب.
السفير/ أنا ما اقدر أواصل إلا لين أسمع صوت الرجال.
الشدوخي/ أنا يعني واحد من عندكم أنا سعودي ما أنا بيمني.
السفير / أنت سعودي.
الشدوخي/ أنا سعودي الدولة تعرفني وأنا موجود في اليمن لي فترة ممكن نتواصل إن شاء الله بعدين أنا طلب مني أني أوصل الرسالة يحملني ابن البلد وأعرف دولة أهلي ما يكون فيه وسيلة إن شاء الله بأدرس بأرتب مع الجماعة هنا وأقول لهم أبوفارس طلب يريد يطمن فأشرحوا لي الطريقة المناسبة هل تسمحون لعبدالله يتصل هل تشوف فيه راي ثاني أيضا أنا عندي أسئلة أريد أطرحها عليك لكن إن شاء الله أنا أعدها وبيكون اتصال علي هذا الرقم.
الشدوخي / الجماعة عندهم مطالب وبيوصلكم إن شاء الله أنت قول الجماعة قولهم يريدون كذا كذا أنا بالنسبة لي هم ما كلفوني بهذا الموضوع إلا الأمور طيبة تمام أنا طلب مني اني أتكلم بوضوح أعرفكم منهوا انا وباسمي والدولة عارفة يعني.
السفير / مدام الدولة عارفه وراء ما تعطيني اسمك.
الشدوخي/ أنا اسمي مشعل محمد الشدوخي.
السفير/ الشدوخي من القصيم.
الشدوخي/ قصيمي يكلم قصيمي إن شاء الله خير.
السفير/ لهجتك نسيت القصيمية.
الشدوخي/ لا ما نسيتها لكن علشان نشأنا في اليمن وضاعت في بعض الكلام.
السفير/ القصيمي عمره ما ينسى لهجته.
الشدوخي/ أنا معك بريداوي اللي تبي بس.
السفير/ إيه واضح.
الشدوخي/ انا تواصلت مع الجماعة قالوا عادي تكلم معاه بالتلفون انتو عندكم اعتراض على التلفون والا عادي.
السفير/ لا ما فيه اعتراض تفضل.
الشدوخي/ خلاص المطالب موجودة عندي.
السفير / تقولها لي.
الشدوخي/ معك قلم وورقه.
السفير/ طيب ايوه تفضل.
الشدوخي/ عندك الطلب الأول إطلاق جميع المسجونات في السجون السعودية وتسليمها لنا في اليمن.
السفير/ واذا ما يبغى يروحون لليمن ايش تسوي فيهم.
الشدوخي/ بعدين نتشاور لأنهم يقولون خذ المطالب.
السفير / تفضل الثاني.
الشدوخي/ لا تستعجل الله يهديك.
السفير/ بالله تفضل.
الشدوخي/ وين وصلنا وتسلمهم لنا في اليمن معي الأخت القصير ونجوى الصاعدي وأروى بغدادي وحنان سمكري ونجلاء الرومي وهيفاء الأحمدي الأسيرات في السجون السعودية.
السفير/ طيب ايوه تفضل راح الصوت.
الشدوخي/ المطلب الثاني إطلاق سراح جميع المعتقلين في سجون المباحث العامة.
السفير / طيب تفضل.
الشدوخي/ وكذلك الذين تم اعتقالهم دون توجيه أي تهم.
السفير/ طيب.
الشدوخي/ وعلى رأس هؤلاء جميعاً هؤلاء الأسماء الأول الشيخ فارس الزهراني الشيخ ناصر الفهد الشيخ عبدالكريم الحميد عبدالعزيز الطويلعي سليمان العلوان وليد السناني علي خضير محمد الصقعبي خالد الراشد ويكون تسليم المشايخ لنا في اليمن هذا المطلب الثاني تمام المطلب الثالث.
السفير / الثالث هذا الرابع اللي تقوله ها الحين.
الشدوخي / خلاص عدوا لنا رابع تمام إطلاق سراح جميع المعتقلين اليمنيين المسجونين عند المباحث العامة.
السفير/ ما فيه هنا المباحث العامة.
الشدوخي/ لا المباحث العامة دون استثناء تمام.
السفير / تمام.
الشدوخي/ المطلب الخامس والأخير دفع فدية مالية سيتم الاتفاق عليها فيما بعد عموماً أنا مجرد ناقل لرسالة فهمتني ولا فيه ناس عندنا هنا والله العظيم من أول ما اختطف الخالدي وهم يقولون جهزوا السكين.
السفير / أنتم هالحين يا أخ مشعل بديتوا فينا.
الشدوخي/ انا أقولك أمير التنظيم كلفني أني أتواصل معكم في هذا الكلام.
السفير / من هو أمير التنظيم.
الشدوخي/ ناصر الوحيشي الدولة تعرفه أنت سفير السعودية في اليمن عارف ها الأشياء كلها ناصر الوحيشي سعيد الشهري وقاسم الرومي كلهم تعرفهم الدولة، هذا الآن قنصل يختطف بكرة سفارة تنفجر بكرة أمير يقتل.
